Løgmansskrivstovan Fíggjarmálaráðið Vinnumálaráðið Mentamálaráðið Heilsumálaráðið Almannamálaráðið
  
  Størv

Stjóri til Umhvørvisstovuna

 

 

Ábyrgdarøki

Stjórin hevur evstu ábyrgd av dagliga virksemi stovnsins.

 

Høvuðsuppgávur

  • Saman við leiðsluni á stovninum setir stjórin yvirskipað mál og leggur virksemið til rættis innan øll arbeiðsøki.
  • At viðvirka til og stuðla undir trygga málsviðgerð og brúk av fyrisitingarligum mannagongdum, og hava gott innlit í almenna fyrisiting og politiskar tilgongdir.
  • At hava ábyrgd av fíggjarstýring, og at játtanir verða hildnar.

 

Almenn førleikakrøv

  • Viðkomandi kandidatútbúgving frá lærdum háskúla. Harumframt er tað ein fyrimunur, um stjórin hevur leiðsluútbúgving, leiðsluroyndir og starvsroyndir innan virkisøki stovnsins.
  • Tað er av stórum týdningi, at stjórin sær yvirskipað upp á tær mongu ymisku uppgávurnar, sum stovnurin skal loysa. Harumframt skal hann kunna fara niður í smálutir, uttan at missa yvirlitið, og hava lætt við at seta seg inn í nýggj viðurskifti.
  • Stjórin skal duga væl at fyriskipa og leiða starvsfólk. Tá tørvur er á tí, skal stjórin evna at skera ígjøgnum.
  • Stjórin skal hava góð evni at samskifta í almenna rúminum og beinleiðis við føroyskar og útlendskar myndugleikar, vinnugeirar og yrkisbólkar.

Setanartreytir

Starvið verður lønt ájavnt 38. lønarflokki hjá Tænastumannafelag landsins, tó uttan at vera tænastumannastarv. Setanarøkið fevnir um Fiskimálaráðið og stovnar undir tí, umframt hini stjórnarráðini.

 

Umsóknir

Umsókn við upplýsingum um prógv, royndir og møgulig viðmæli verður send til Fiskimálaráðið, postrúm 347, 110 Tórshavn, ella við telduposti til fisk@fisk.fo í seinasta lagi 22. apríl 2014 kl. 12:00.

 

Nærri upplýsingar um starvið fáast við at venda sær til Rógva Reinert, aðalstjóra í Fiskimálaráðnum, á telefon 55 32 11, ella við at senda teldupost til fisk@fisk.fo.

 

 

Umhvørvisstovan varð sett á stovn í 2007, tá ið Matrikulstovan, Tinglýsingin, Landsfólkayvirlitið, Skógrøkt Landsins og Umhvørvisdeildin vórðu løgd í ein stovn.

Umhvørvisstovan fyrisitur matrikulering, umhvørvisvernd, tinglýsing, landsfólkayvirlit og adressuskrá. Eisini fyrisitur stovnurin almenn náttúruøki og samskipar kort og skrásetingar, veitir tænastur og fremur gransking og kunning innan ásett virkisøki.

 

Stovnurin arbeiðir somuleiðis við yvirskipaðum lendisætlanum fyri landið, sum umhvørvislóggáva og byggi- og planlóggáva fevna um. Innan viðarvøkstur og frílendi stendur stovnurin fyri umsiting av almennum náttúrulendi.