20.02.2020 · Fiskivinnu- og samferðslumálaráðið

Árligi framløgudagurin hjá Fiskivinnuroyndum verður mánadagin 24. februar 2020

Árligi framløgudagurin hjá Fiskivinnuroyndum verður mánadagin 24. februar 2020

Mánadagin 24. februar 2020 verður árligi framløgudagurin hjá Fiskivinnuroyndum hildin á Hotel Føroyum.

Fiskivinnuroyndir er játtan, ið Fiskimálaráðið umsitur, sum hevur til endamáls at fremja royndir og kanningar – bæði praktiskar, vinnuligar og vísindaligar, ið menna og økja um framleidni í føroyskari fiskivinnu við atliti at lívfrøðiligari, búskaparligari og samfelagsligari burðardyggari gagnnýtslu av havtilfeinginum.

Talan er um at stuðla ítøkiligum verkætlanum, sum fyritøkur, einstaklingar ella stovnar kunnu seta í verk. Verkætlanir, sum stuðul kann søkjast til, eru skipaðar í trý høvuðsøki:
• Royndarveiða og virðisøking av fiski og fiskavørum
• Burðardyggur fiskiskapur
• Búskaparlig og samfelagslig menning av fiskivinnuni og førleikamenning í øllum liðum

Á framløgudegnum hesuferð, verða 16 verkætlanir, sum eru stuðlaðar av Fiskivinnuroyndum, lagdar fram.

Tiltakið er ókeypis, tó er luttakaratalið avmarkað og neyðugt er at melda seg til áðrenn og í seinasta lagi fríggjadagin 21. februar 2020 kl. 10:00.

Meldast kann til á heimasíðuni hjá Fiskivinnuroyndum www.fvg.fo .

Skráin fyri framløgudagin sæst her.